Vai puak:
A. Sangnaupang te' Tavuan
1. Bus tung ah na gamtat luheek bang in thu ong ki khen ding hi cih theih ding ki sam hi.
2. Sangnaupang te in Bus tawh ki sai thukhun te thei bek hi lo in zuih ding hi cih theih loh phamawh hi.
3. Sangnaupang te in na tuanpih lawmlehgual tung ah a kilawm a kituak bang in gamta in nawngkaai sak kha kei in.
4. Sangnaupang te in ih thieh ding thu khat in sangnaupang te a kilawm in a gamtat kei uh leh sang bus ki tuang sak nong lo thei hi.
B. Nulehpa' Vaipuak
1. Bus tawh kisai thukhun te leh nasep zia te a hiciang khat theih huai hi. Tua ban ah tua thukhun te in na naupang te i phattuam na ding a ki khung thute a hih lam tel huai hi.
2. Thu khun te leh nasep zia te a hiding bang in a zuih na ding un na tate hanthawn in la tua thukhun na te i deih na a thu bulpi a tel theih na ding in hilh/panpih in.
3. Na tate' gamtat zia tungtawn in kibawl thukhat peuh a om leh tua pen nulehpa te' vaipuak (tavuan) a hih lam tel in. Tua ban ah na tate' i sang bus vai khem peuh nang ma vaipuak lianpen (tavuan) a hih lam thei in.
4. Na tate' gamtat luheek zia tawh kisai kikhel ding a om ciang tate' tungah gen in ma nong pan pih ding ki sam hi.
5. Na tate' hang Bus van siatna khat peuh, a hihkeileh, puahding kisap na khat peuh a om leh nuleh pa te' tuvuan a hihlam ki theihbawl in.
C. Bus Tuang ding te Zuih ding Thukhun te
1. Sangnaupang te bus a tunhun ma a tawmpen minutes 5 manlang zaw in bus ngak na mun ah tung khol ding hi.
2. A muanhuai mun khat ah ngak in, motor tam nianua na mun leh bus a khawl lian na mun tawh tawmkhat a kigam la zaw mun ah ngak in.
3. Bus tung ah na tuan ciang in zuihding a kikhung thute a vek in zui in la gamlum lua kei in.
4. Bus hawl te i ong gen na bang in lampi na kan ciang in bus mai tawn in kantan in.
5. Bus tung na kah toh ciang in a awng na mun a hihkeileh a ki koihsa nang tut na ding mun ah pai suak vingveng in.
6. Tut sa in omin. Pusuak na ding lampi awng sak in.
7. Bus hawl te leh nungzui te (a om leh) thu mang in.
8. Bus tung ah, bus tung pan, bus sung ah, na bang mah lawnkhia kei in.
9. Sangnaupang te' puak zawh ding van te bek puak pua in.
10. Kam pau hoih lo, za tep, zu, leh kham theih guih theih te bus tung ah zat khuan om ngiat lo hi.
11. Bus sung (an) ki ne khial thei a hih man in an nek ding ki phal lo hi. Tui bel ki dawn thei hi.
12. A namsia vanleh na te, a nawngkai sak thei ding van te leh, gan hing te bus tung ah ki pua thei lo hi.
13. Bus tuang lawm leh gual dang te mai ah a ki lawm in om in.
14. Bus pai na ding/ Bus khawl na ding mun tung nailo pi in lam kal ah tuak a hihkeileh bus tung tuan ding ki phal lo hi.
15. Lu, khut, leh van khat peuh bus (padenpout) pan dawk khiat ding ki khaam hi.
16. Bus a khawl lo pi in a pualam pan va khoih, va lawng cih te ki khaam hi.
17. Bus susia kei in. Na tate hang in tut na a kipan bus tung a ki siat na khat peuh a om leh nulehpa/nulehpa tangmi te in tua a kisia van tawh ki tuak in na loh ding uh kisam hi. Tutna tuamna khat ciang in $100.00 ta tung ding hi.